A voi 70nak Chin Miphun Ni ah Suu Kyi kum 70 kong a chimmi cu uar um ngai

A voi 70nak Chin Miphun Ni cu Nay Pyi Taw, MICC II ah ah an tuah ve. Kum 70 he pehtlai in Suu Kyi nih a chimmi cu uar um ngai!

 

Cozah nih zeidah nan tuah tiah biahal khawh kan si tiah Suu Kyi nih a chim. Mipi leikap in zeidah nan tuah vemi hi a biapi tuk tiah Suu Kyi a chim. Cozah lei lawng sual kawl, mawhchiat timh tung i; kanmah lei in tuahmi um tung lo ahcun thanchonak lam a har tuk ti zong a chim.

Mirang kut in luatnak kan hmuh hnu ah ramdaihnak kan hmuh lo nak hi kum 70 si cang tiah Suu Kyi nih a chim. Tuhnu kum 70 chungah ramdaihnak kan hmuh khawh lo ahcun asi kho bak ti loh ti zong a chim. Chin Miphun zong hi kum 70 an tling cang i; hi hnu kum 70  hlanah daihnak hmuh kho dingin rian tuan cio hna usih tiah zaangfah kan nawl hna ti zong a chim chap.

Ramdaihnak hmuh khawhnak dingah caan saupi lak hi a tha loh ti zong Suu Kyi nih a chim. Caan tawi chungah tuah khawh dingmi asi ko ti zong a chim chap.

 

Chin Miphun cu tuan tein kahdaihnak NCA ah minsen a thu cangmi asi.

(Hi hnu kum 70 hlan hrimhrim ah daihnak hmu kho dingin rian tuan ding).

 

7 Days Journal

 

Be the first to comment on "A voi 70nak Chin Miphun Ni ah Suu Kyi kum 70 kong a chimmi cu uar um ngai"

Leave a comment

Your email address will not be published.


*