President Htin Kyaw nih Chin Miphun chuah kahnak kong a chimmi le Naing Thet Lwin chimmi aa dang

Febuary 20, 2018 ah tuahmi voi 70nak Chin Miphun Ni ah hmunkip Chinmi vialte nan cungah hlawmtlinnak hmu kho dingin thlaza kan cam piak hna tiah Htin Kyaw nih a chim.

 

Chinmi pawl hi Mongolia in a rak ra mi Tibet_Myanmar phun an rak si i Myanmar ram ah khuasa mi an si ti zong Htin Kyaw nih a chim. Chinmi pawl hi Chin ramkulh lawng si loin Sagaing ramthen, Magwe ramthen, Pegu ramthen le rakhine ramkulh ah khuasa mi an si ti zong President Htin Kyaw nih a chim.

Chinmi pawl hi Vietnam le China miphun in a ra mi an si tiah Naing Thet Lwin nih Irrawaddy ramthen, Pathein ah a chim ve. Cauk cheukhat zongah Laimi hi Vietnam in a chuakmi kan si tiah an tialmi a um. Vietnam min le Laimin pawl zong aa khat mi an tam ngai ti zong fianternak an tuah!

President Htin Kyaw nih Mongolia,Tibet_myanmar a ti lioah Naing Tet Lwin nih Vietnam&China in a ra a ti.

 

Mirang uknak in luatnak hmuh khawhnak dingah Chin miphun pawl hi biatak tein thazaang a rak chuahmi an si ti zong Htin Kyaw nih a langhter.

Chin ramkulh ah Cozah le mipi hmunkhat rian tuannak in thanchonak zong kan tuah lio asi ti tiah President Htin Kyaw nih a chim. Chin ramkulh cu tlang a tam tuk caah motor lam zong a tha loh i Cozah lei kap zong in rian kan tuan lio asi ko ti zong a langhter.

Tlangcung mi nih kan duhmi “mah tein uk khawhnak” rian kan tuan lio bantuk in; Federal uknak zong hi fek tein kan hmuh khawhnak dingin Phunghrampi remh khawhnak dingah Chin mipi zong nih lungtho tein thazaang rak chuah cio dingin forh fialnak zong a chim.

 

 

Be the first to comment on "President Htin Kyaw nih Chin Miphun chuah kahnak kong a chimmi le Naing Thet Lwin chimmi aa dang"

Leave a comment

Your email address will not be published.


*