Salai Lian Luai: Chin ramkulh ah thanchonak kan tuah lio ko

A voi 70nak Chin Miphun Ni ah Chin ramkulh Chief Minister Lian Luai cu biachimnak a ngei.

Chin ramkulh budget ( 2017_18) hi 124083.181 MMK asi i ramkomh cozah nih Chin ramkulh caah hmannak nawl a pekmi budget hi 3725.225 MMK asi tiah Chief Minister Lian Luai nih a chim. Chin ramkulh budget le ramkomh budget fonhmi hi 127808.406 MMK asi ti zong a chim chap.

127808.406MMK kan budget chungin motor lam caah 55% kan hman, khuate thanchonak caah 11% kan hman, Electric mei caah 9% kan hman, Sipin caah 7% kan hman  tiah Lian Luai nih an budget hmannak a chim.

 

NLD Cozah nih kum 2 chung deng ram kan hruainak ah Chin ramkulh township pa 9 hna i buakthlak tein thancho ter kan i zuam ti zong Lian Luai nih a chim. Sipuazi thancho nak caah tiin Chin State Bussiness Institute zong kan tuah i minung 300 leng nih bawih an lak cang ti zong a chim chap.

Myanmar ramchung ramthen le ramkulh hna lakah Chin ramkulh hi thanchonak a der bik asi caah Cozah leikap in thanchonak lei hi bia tak tein kan i hmai thlakmi asi bantuk in mipi leikap zongin rak kan bawmh cio uh tiah forh fialanak he biadonghnak a chim.

Be the first to comment on "Salai Lian Luai: Chin ramkulh ah thanchonak kan tuah lio ko"

Leave a comment

Your email address will not be published.


*