Pathian nih a fih bik mi pei Chin mi nih kan tuah peng rih hi..

Isaiah 1:13-14 ah cun, Pathian nih Israel mi hma cu tihin a ti hna. Nan Thlathar, Nan Puai, Nan Ni thiang le Nan Thawhlawm hna hi ka thlarau nih a fih hna. Ka luak an chuak, Ka phurh duh ti lo mi ka thilrit an si a rak ti hna.

 

 

 

 

 

 

 

 

 

 

A mah Pathian hrim nih Moses chan lio tein Thlathar puai nan tuah lai tiah a rak chimh mi hna an si. Cu a fial mi hna Puai cu minung nih an mah duh in an tuah tik ah Pathian caah luakchuak men, Fih nung men, Thil rit men a si.

 

 

 

 

 

 

 

Chin mi nih, CND kan tuah mi zong hi Pathian nih a fih hrimhrim lai. A ruang cu,

 

 

 

 

 

 

1. A mah Pathian fial mi a si loh.

 

 

2. Pathian mual kan pho ter. Thla cam nak in kan i awt ve, vuak le zudin le thil ttha lo le, Kan pipu nih Khuachia an rak biak lio chan i an tuah mi khuan cawi te hna, Zupu dawp te hna, kan tuah peng.

 

 

 

3. Miphun kan dawt caah kan ti.. Pathian nak in Miphun Nii ah kan i nuam deuh. Khakha Pathian nih a kan fial mi miphun dawt a si loh. Kan miphun kan dawt ah cun, Kan miphun caah ni 20, ni 40 rawl ulh in thlacam a ttha deuh. Mi har sa phaisa va pek hmanh a sunglawi deuh.

Ttial ah cun a tam tuk lai caah kha vial khan si seh.

 

 

 

 

 

 

Cu caah kan ruah awk cu, Kan Puai hi Pathian nih a fih tuk sual maw? ti hi ruat cang hna u sih. Kan Nii sunglawi hman mi Puai ruang ah Pathian nih Chim ram chiat a serh sual lai.

Phun dang in ruat lo in, Pathian bia tu in ka chim mi hi cuai rak thlai ve te….

Be the first to comment on "Pathian nih a fih bik mi pei Chin mi nih kan tuah peng rih hi.."

Leave a comment

Your email address will not be published.


*