Japan ram ah Tsunami ruang i a rak thi mi Thlarau pawl an hrang

Zumh awk ah cun a har ngai nain, News pakhat nih a ttial ve mi a si caah ka van ttial chin ve. Japan nih an ton cuahmah mi thil a si

 

 

 

 

 

 

 

 

 

 

 

2011 Lio i Japan ram ah a um bal lo mi Tsunami nih tuanbia pakhat a rak ttial. Pe 130 tluk sang in tilet a tho mi nih Ishinomaki khuapi cu a rak den hna i minung 3100 an thi, 2770 an tlau.

 

 

 

 

 

 

 

 

 

 

 

Cu khuapi cu Cozah nih an van remh tthan i a tu ahcun, minung an chah ngai tthan cang. Nain, khuaruah har tampi a um ve.

 

 

 

 

 

 

 

 

 

 

 

 

Taxi driver tam pi nih an thil hmuhton an chim cio. A cheu nih an chim mi cu, kan taxi hi minung nih an kan hlan i kan phurh hna. An ttum nak ding kan phak ah cun kan motor chung ah an um ti loh tiah an chim.

 

 

 

 

 

 

 

 

 

 

 

Pa khat pa nih cun, Nu pakhat nih ka motor a ka hlan, lam pi lan kal lio ah Tsunami kong kan i ceih, Nu nih cun, kei teh ka thi cang maw tiah a ka hal.. Ka hnu lei ka zoh tik ah cun a um ti loh tiah a chim.

 

 

 

 

 

 

 

 

 

 

 

Pakhat pa ve nih cun, tlangval no te nih ka motor a ka hlan.. Kan kal i Lam tanttim kan phak ah ka vun zoh cu a lu a um loh tiah a chim. A cheu nih cun, minung mui an hmu lo nain, an motor i a um mi Back Mirror, hnu lei zoh nak thlalang in mithlavan hmuh len hna.

 

 

 

 

 

 

 

 

 

 

 

Mipi nih an zumh mi cu, Tsunami ruang i a thi mi pawl hi cozah nih an min an theih khawh hna lo caah le, ttha tein an ruak vui an rak si lo caah a tu bantuk in an i langh nak a si lai tiah an zumh hna. Taxi driver pawl lawng si loin, mi tam pi nih an hmuh lengmang hna.

 

 

Ref. Lwinpyin

Be the first to comment on "Japan ram ah Tsunami ruang i a rak thi mi Thlarau pawl an hrang"

Leave a comment

Your email address will not be published.


*