Cozah nih Ford Motor cawk an i tim nain Hluttaw nih an sanh hna loh; an buai!

Tuni 4 June 2018 ah tuahmi Yangon ramthen hluttaw cu Cozah le MP kar lakah lung i hmuh lo nak ( bia el nak) a chuak.

 

Yangon ramthen Cozah zung hman dingah  Ford Motor 10 cawk dingin Cozah nih timh tuahnak an ngei.(Ford Motor hi pakhat ah Ting 1,000 man bak asi). Cozah nih timh tuahnak an  ngeihmi cu MP cheukhat nih an duh loh.

Yangon ramthen ministers pawl hi Bus zong nan i cit loh; Taxi zong nan hlaang loh; Private Motor nan ngeih dih ko caah Ford Motor 10 cawk nan i timhmi hi asi kho loh tiah Yangon Sipuazi Community hruaitu Daw Sanda Min nih a duh lo nak a chim.

Hluttaw chung i Motor cawk le cawk lo kongah Vote lak cu a tha lai loh tiah Minister Myint Taung (Ministry of Planning and Finnace) nih a chim.

 

Cucaah, Hluttaw Speaker Tin Maung Htun nih Vote laknak a tuah loh. Cozah nih Ford motor cawk nan i timhmi hi MP nih an duh lo caah nan biaruahnak pawl hi Chief Minister sinah ca ka kuat te lai tiah Speaker Tin Maung Htun nih biafunnak a tuah i an mak chung!

(Zeidek a cang te lai; kan zoh hna lai cu!)

 

Source: Hluttaw

 

Be the first to comment on "Cozah nih Ford Motor cawk an i tim nain Hluttaw nih an sanh hna loh; an buai!"

Leave a comment

Your email address will not be published.


*