Sipuazi lei ah tthanchonak a dawntu thil hna

Minung a si mi poh nih nikhat ah suimilam 24 kan ngei dih. A si nain a cheu an rum i a cheu an sifak. A rum mi pawl hi nikhat chungah caan tam deuh an ngeih ruangah a si hlei lo bantuk in, sifak mi zong hi caan tlawm deuh an ngeih ruangah an sifah a si hlei ve lo. Tthanchonak cu, hmuh cia mi kilkawi thiamnak he aa pehtlai mi a si.

A tanglei ah, a tthangcho lo ding mi minung pawl nih an tuah tawn mi thil cheukhat kan vun langhter.

1. Phaisa lut ngeih hleng ttung lo i khon ding lawng te i timh peng.

Phaisa khon na duh ahcun, khon ding mi phaisa a luh hmasa a hau. Khong hmasa loin, a luhnak tu kha tuaktan hmasat ah a ttha deuh.

2. Khon lawng khon i chawleh chawhrawlnak (investment) tuah lo.

Tahchunhnak ah inn pakhat cawk na duh i, phaisa ting zathum a hau. Cu ting zathum na khon khawhnak ding ahcun kum thum a rau ding a si hnga. Kum khat na khon tikah ting zakhat a si nain chawlehnak na tuah lo ahcun a mah ning tein a um peng. na hmuh mi kha a karhnak na tuah lo tikah, ting zathum hmuhnak caah kum thum na khon ko nain, cu kum thum chung ahcun inn man kha ting zakhat a rak kai ve caah na caw kho ti lo. Cu caah khon mi phaisa khan phaisa karhnak (investment pakhat khat rak tuah ve a hau.

3. A relrem rih lo buin thil cawk

Chim duh mi cu, ka phaisa lut nih a chei maw chei lo ti tuak loin cawk duhmi thil cawk colh thluahmah a si. Tahchunhnak ah, thlakhat ah ting thum lawng phaisa a lut mi chungkhar nih, an chungkhar dihlak in phone an i tleih dih cio. A si loah, ting khat man phone i cawk duh loin, ting ruk man phone i cawk tibantuk. tthancho a har ngai lai.

4. Midang dirhmun/rian le lahkhah kha v hngar peng i mah dirhmun i tuak lo.

Doctor rian a ttuan mi pa kha va hngar ngai i mah nih ttuanmi rian kha zei i rel lo. Midang rian le lahkha kha va hngar peng nakcun, mah nih ttuan mi rian kha fel tein ttuan a ttha deuh.

5. Sai ruak a ei cuahmah mi Lang Ak

Lang Ak cu Sai ruak a ei i, a dih hlan poh cu a hna a ngam i zeihmanh a ruat lo, Sai ruak a dih tikah zeidah ka ei lai ti zong a ruat lo. Mi cheu cu lahkhah tlawmte, rian fawite, tha a di lem lo mi rian an ttuan i cu rian ahcun an i nuam i hmailei ah zeitin ka nun te lai ti an ruat ti lo.

6. Cawk duh mih thil poh cawk dih hnu ah khon ai tiim mi.

Na duh mi poh na cawk dih hnu i na khon mi cu khon a si ti lo, hman cawk lo i chiah a si deuh. Khon timi cu, na duh ngai mi thil a um ko zong ah, tu thla ah hi vial hi hman ding na ti mi phaisa a dih cang a si ahcun cawk ti lo ding a si ko. Mi fim nih an chimnak ah, chungkhar pakhat nih, phaisa lut mi chung in 30% zakhat chungah sawmthum a khon khawh a hau ti a si. Kha sawmthum kha cu zeithil na ton le na herh tuk zongah hman ti lo ding tinak a si. Cu cu khon timi cu a si.

Be the first to comment on "Sipuazi lei ah tthanchonak a dawntu thil hna"

Leave a comment

Your email address will not be published.


*