2008 Phunghrampi hi ralbawi hlun pawl an i vennak caah tuahmi asi: Shwe Mann

Myanmar mipi nih duh lo ngaimi 2008 Phunghrampi hi ralbawi hlun pawl an i vennak caah tuahmi asi ko tiin ralbawi hlun asi mi Thura Shwe Mann nih a van phuan. 2008 Phunghrampi hi ka soisel bia asi loh; a hmanmi langhter ka duh caah asi ti zong a chim i; hi 2008 phunghrampi ruangah ramdang nih a kan zumh khawhnak asi ti zong a chim chap.

 

Ralkap chung zong ah Democracy hi a ral um ve ko tiin ralkap zong a rak si vemi Thura Shwe Mann nih a DVB tuahmi Denocracy kong ceih hmainak ah a chim.

 

Thura Shwe Mann hi ralkap chungah caan saupi a rak ummi asi i; Thein Sein Cozah lioah Hluttaw Speaker a tuan i; NLD Cozah ahcun Pyidaungsu upadi kong he pehtlaimi hlathlaitu hruaitu a hung asi.

 

7 September 2018 ah DVB nih Ram hruainak le Democracy kong ceihhmainak an tuah. Ralkap chung zongah Democracy hi a um ve ko tiah Thura Shwe Mann nih a chim.

 

Ralkap pakhat khat nih an hmuh awk asi an hmuh lo ahcun an duh lo nak langhternak nawl an ngei. Ralkap nih hin i hruainak le an co awk asi right a um dih ve ko ti zong a chim.

 

 

Ralkap nih right an ngeih ve pinah duh lo nak langhter khawhnak zong an ngeihmi hi Democracy asi ve ko tiin fianternak zong a tuah. Cucaah, fawi tein ralkap nih Democracy hi an zulh khawh tuk ding asi ti zong a chim. Keimah zong rak ka zoh uh; ralkap in Democracy ka zulh khawh tuk ko ti zong a chim chap.

 

DVB

 

Be the first to comment on "2008 Phunghrampi hi ralbawi hlun pawl an i vennak caah tuahmi asi: Shwe Mann"

Leave a comment

Your email address will not be published.


*