Rakhine ram i thah a tongmi GFA Pastor Thang Nuh kong cu lunghrap ah a caam hringhran ko

 

 

 

Rakhine ram chaklei (ralkap le hriamtlai buu an buainak hmun) i, kum 20 chung Pastor rian a ttuan cang mi, Gospel For Asia (GFA) Pastor Thang Nuh (a awchuah zulhin ttial a si) cu January 29 ni ah hriamtlai buu pakhat nih a innchung ah hramhram in an tleih i, February 1 ni ah an thah tiah, GFA official website nih a thanh.

 

 

 

 

 

 

 

 

Hi kong he pehtlaiin, “Amah (Thang Nuh) hi kawlram ah Pathian rian a ttuannak kum 20 a si cang i, mitampi zong Khrihfa ah a luhter hna i Khrihfabu zong hmuntampi ah a dirh tu a si.

Jnuary 29 niah hriamtlai buu pakhat nih a inn ah meithal an hmuahtthim i an tleih i khoika an kalpi zong kan thei lo. Phaisa duh ruangah an tleimi a si lo nain, zei ruangah an tleih ti cu kan thei lo” tiah, GFA founder KP Yohannan (Father) nih youtube ah a chim.

 

 

Pastor Thang Nuh nih a nupi le a fa 3 cu a rohtak hna.

 

 

 

 

 

 

Hi GFA hi India hrambunh a si i, kawlramah khrihfa minung 500 hrawng an um cang. Pastor Thang Nu nih pastor a ttuan lio nak khrihfabu ah member 50 hrawng an um.

 

 

 

 

Lunghrap ah a taang khun mi cu, Pastor Thang Nuh a that tu hriamtlai bu zong nih, cu ruangah, kha ruang ah kan thah timi thawngthanhnak zong a um lo i, cozah lei zongin fehternak thawngthanh a um lo. Zarhkhat hrawng a rau cang i, mah ti sawhsawh in daihter an timh ko rua.

 

 

 

Anmah India hrambunh GFA thawngzah ahcun fehternak cu an tuah cang.

Pathian salttha a simi pakhat hiti hin lohtlau cu lung a kuai ngai.

 

 

 

 

 

 

 

 

 

 

VOA/ shared by fb frd

Be the first to comment on "Rakhine ram i thah a tongmi GFA Pastor Thang Nuh kong cu lunghrap ah a caam hringhran ko"

Leave a comment

Your email address will not be published.


*