Aung San Suu Kyi sin in ‘Freedom of the City’ timi upatnak roca an chuh tthan lai

 

 

 

Myanmar State Counselor Daw Aung San Suu Kyi nih upatnak roca tam pi a rak hmuh hna nain, Myanmar ramkhel tluantlam lo ruang ah cheukhat upatnak hna cu an chuh tthan cang. Cu hna lakah pakhat cu, Ireland ram, Galway nih an rak pek mi, ‘Freedom of the City’ timi upatnak a si.

 

 

 

 

 

 

 

February 11 ni ah Galway council ah biaceihnak an tuah i, minung 17 lakah 13 nih chuh tthan dingin an kut an thlir i, minung 2 lawng nih chuh lo dingin an thlir caah chuh dingin an khiah.

 

 

 

 

 

 

 

Hi kong he pehtlai in, “Hi upatnak kan chuh tthanmi ruangah, amah (Aung San Suu Kyi) caah cun zei a poi tuk lem lai lo nain, Myanmar nih ram chungin a dawi mi Rohingya pawl caah cun sullam a ngei i, anmah he kan umtti ko ti langhternak zong a si” tiah council member Stephebie McDermott nih a chim.

 

 

 

 

 

 

 

Hi upatnak hi, 2005 kum ah an rak pekmi a si i, 2017 kum ah chuh tthan dingin timhlamhnak an rak ngei nain, tu zar lawngah bia an khiah khawhmi a si.

 

 

 

 

 

 

Myanmar Breaking News

Be the first to comment on "Aung San Suu Kyi sin in ‘Freedom of the City’ timi upatnak roca an chuh tthan lai"

Leave a comment

Your email address will not be published.


*