Ni 4 chungah minung 150 an thi cang

 

 

 

India ram, Assam state ah zuu tthalo/ zuu chia (poison) din ruangah minung 150 an thi cang i, minung 170 renglo cu siizung ah zualhma ngaiin an um.

 

 

 

 

 

 

 

Hi zuu a dingtu pawl cu an ttang a fak, an luak, an thaw a pit i an thi colh thluahmah ko.

 

 

 

 

 

 

 

Cawn nili ni (Thursday) in aa thok cang i, nizan tiang ah minung 84 an thih hnu ah, a tu tiang ah 150 an thi cang i, a dang siizung i a um mi hna zong hi ruahchan awk a um lo ngai in theih a si.

 

 

 

 

 

 

 

 

Hi bantuk hi kan hnu zarh hnih lio ah khan Assam state tthiam ah a rak um cang i minung 150 hrawng an rak thi tthiam.

Hi zuu tthalo hi minung 1500 hrawng nih an din cang lai tiah Sakia nih Reuters ah a chim.

 

 

 

 

 

 

 

 

“Hi zuu a chuahnak kong ah minung 16 kan tleih cang hna. zuu cu chelhlatnak tuah singah kan kuat cang” tiah, Assam Ngandamnak vuanci Himanta Biswa Sarma nih a chim.

 

 

 

 

 

 

 

 

 

 

 

VOA

Be the first to comment on "Ni 4 chungah minung 150 an thi cang"

Leave a comment

Your email address will not be published.


*