Ronaldo nih teirul a cham khawh bak ko

 

 

 

A ropui ko. Bawlung vawlei ahcun a ropui bik pakhat a si ve ko. A voikhatnak tonnak ah Atletico nih Juventus cu 2-0 in an rak tei nain, voihnihnak tonnak ah Juventus nih 3-0 in an tei tthan hna. Juventus tuanbia ah a um bal lomi pakhat a si.

 

 

 

 

 

 

Teinak goal 3 cu Ronaldo lawngte nih a suutmi a si i, kum 34 a si cangmi zaanglek nih champions league ah Atletico (Europe club hna lakah hnukham a tthawng bik club) lei ah goal 3 suut khawh cu a mak ko. A tutan hi Ronaldo nih Atletico he tonnak ah hat trick voi 4 a suutnak le champions league ah voi 8 nak, Ronaldo nih bawlung a chuih chung dihlak ah hat trick voi 52 nak a si.

 

 

 

 

 

 

 

 

Ronaldo nih goal a suut khawh tikah Atletico manager Simone nih a rak tuah bantukin a tuah ve.

 

 

 

 

 

 

 

A voikhatnak tonnak ah Atletico nih goal an rak suut lio ah Simone nih zohchia ngai in a rak lawm bantuk bakin Ronaldo zong nih a lawmh ve.

 

 

 

 

 

 

 

 

Ronaldo tuahsernak kong he pehtlaiin, “Ronaldo hi ka nawl cawng dingah aa tlak ko. A thiam bik a si ko” tiah Simone ne a chim.

 

 

 

 

 

 

 

 

 

 

 

 

Mirror

Be the first to comment on "Ronaldo nih teirul a cham khawh bak ko"

Leave a comment

Your email address will not be published.


*